Gréta Björg varð þriggja mánaða í gær á 28 ára afmælisdegi pabba síns. Hún hélt upp á afmælið kvefuð í fyrsta sinn. Hún virtist nú samt ekki neitt veik. Hún var ósköp ljúf og góð en var ekki í miklu stuði til að leika sér á leikteppinu. Ég sleppti því að fara í ´mommy and me´ jógað á föstudeginum.

Það styttist í að amma Þorgerður komi til okkar og við Gréta Björg hlökkum mikið til. Óðinn bróðir Palla kemur líka til okkar í heimsókn á föstudaginn en hann er skiptinemi í Erie sem er 2 klst norður af Pittsburgh! Palli heldur svo til Microsoft Research á mánudaginn eftir viku og síðan til San Francisco á ráðstefnu.