Það er farið að vora hjá okkur. Hitinn heilar 9C í dag. Æðislegt. Frostið hefur verið svo mikið undanfarið og við ekki farið mikið á bílnum að það tók 25 mín að brjóta ísinn af bílnum um helgina.

Í gær var okkur boðið í afganga til Davids og Tessu. Hann er með Palla í stærðfræði og hún er prófessor í Pitt. Það voru víst umsækjendur í heimsókn í deildina hennar og öllum var boðið í mat og við græddum afganga í gær. Þægilegt, svona á virkum degi, að þurfa ekkert að spá í mat.

Í kuldanum um daginn langaði mig svo svakalega í ís yfir sjónvarpinu. Við gerðum þau mistök að fara í ísbúðina á Walnut en auðvitað var hún lokuð. Ég veit bara um tvær ísbúðir sem loka ekki á veturna.