Desember, 2006

Teljarinn horfinn enda minna en sólarhringur í brottför. Palli er að klára að fara yfir próf og ég er hérna heima að pakka og gera klárt, þrífa og þvo þvott og henda úr ískápnum.

Fyrirlesturinn gekk vel í dag og einstaklega vel ef ég ber mig saman við aðra í kúrsinum. Ég er búin að fá eina einkunn, A-, í Elements of Stochastic processes, en á eftir að fá tvær.

Búið er að smyrja bílinn og tjékka á öllu. Vonum að það standist að hann eigi ekki að bila á næstunni annars erum við í Triple A svona til öryggis ef bíllinn hrynur í sundur á I-76 eða I-70!

Ég á ekki von á að fært verði hér inn á meðan við erum á Íslandi :-) Sjáumst heima :-)

Núna á ég bara eftir að halda einn fyrirlestur. Í morgun skilaði ég ritgerð og hélt fyrirlestur í Bayes computation kúrsinum. Ég var orðin svolítið mikið þreytt þegar ég var að vinna í þessu í gærkvöldi en með hvatningu og hjálp frá Palla þá tókst að klambra þessu saman þrátt fyrir heila á innan við 30% afli!

Var dálítið rugluð í dag eftir að hafa klárað fyrirlesturinn. Ég fór á fund með leiðbeinandanum mínum og svo í Radioshack. Í Radioshack ætlaði ég að kaupa svona fjarstýrða þyrlu fyrir tölvunördinn minn. Þyrlan var ekki til en ég skellti mér nú samt upp í CMU að hitta Palla í kaffi. Þegar þangað var komið var ég allt í einu sannfærð um að ég hafi gleymt að borða og aðeins borðað hálfa muffins yfir daginn. Við fórum því á Crepes staðinn á Craig. Þegar ég var búin með um helminginn af matnum fattaði ég að ég væri ekkert svöng því að það var pöntuð pizza í Bayes computation kúrsinum og ég hafði borðað tvær hlussu sneiðar. Það er greinilega innprentað í mig að ég er líklegri til að gleyma að borða heldur en hafa borðað ;-)

Nýlega fengum við svo yndislegar fréttar að stúlka væri fædd. Sigrún og Erling orðin mamma og pabbi í annað sinn og Brynhildur Inga orðin stóra systir. Vá! Alveg frábært ;-) Við fengum sendar myndar (takk, Erling) og nýja daman ofsalega falleg. Við Palli hlökkum mikið til að heimsækja fjölskylduna.

Það er sem betur fer aðeins farið að hægjast um hjá okkur. Ég var í prófi í morgun og á núna bara eftir að halda tvo fyrirlestra og skrifa eina ritgerð. Palli er með fyrirlestur núna um gröf, mjög djúp stærðfræði sem ég skil ekki!

Teljarinn kominn niður í eins stafa tölu. Núna er þetta bara orðið ískyggilega stutt :-)