Við vorum að taka eftir fyrsta jaxlinum hennar Grétu Bjargar. Einn í efri góm er kominn vel niður og hinir þrír eru greinilega á leiðinni. Þetta eru jaxlarnir við hliðina augtönnunum. Augntennurnar eru samt ekki komnar. Núna er Gréta Björg því komin með níu tennur. Annars erum við bara að undirbúa afmæliskaffið sem verður á morgun, afmælisdaginn.

Gréta Björg kýs núna frekar að labba en skríða. Hingað til skreið hún milli staða ef hún var sitjandi en labbaði hef hún var standandi. Núna stendur hún upp til að labba af stað ef hún vill komast eitthvað. Þetta þýðir að hún fer að fara í heimsókn á litlu krakka deildina á leikskólanum. Það er nú samt eitthvað í það að hún hætti á ungbarnadeildinni.

Grétu Björgu finnst ofsalega gaman að leiða okkur núna en getur alveg labbað sjálf. Læt fylgja nokkrar myndir frá róló fyrr í dag. Annars er litla daman með hósta, hún er eldhress á daginn en hóstar á nóttunni.

Leiðandi mömmu

Leiðandi pabba

Labba sjálf

Einbeitt

Stefnir á rólurnar

Við erum búin að bóka ferð heim um jólin. Jeij jeij! Við stelpurnar leggjum í hann fimmtudaginn 11. des og pabbinn leggur í hann miðvikudaginn 17. des. Við förum svo öll til baka föstudaginn 9. janúar. Við stelpurnar verðum sem sagt á Íslandi í 4 vikur og ég ætla að slappa af og vinna eitthvað í ritgerðinni sjálfri en helst ekki í öðru.

Grétu Björgu finnst ofsalega gaman að fara út á róló.

Gréta Björg labbaði heilmikið í leikskólanum í gær og tók 10 skref hérna heima. Þetta er allt að koma hjá henni. Núna vill hún ekki láta mata sig, hún vill sko engan graut og ekkert mauk. Hún borðar enn þá graut í leikskólanum en vill ekki neina ávexti né grænmeti. Allar hugmyndir um fingramat eru því vel þegnar :-) Núna borðar hún brauð með smjöri og osti, og stundum eplaskífum, hún borðar líka brauð með kæfu og henni finnst vatn æðislegt. Hún borðar líka stundum ólífur, vatnsmelónu, og epli en bara ef þau er heil og afhýdd.

Ein mynd aukamynd af krúttunni:

Gréta Björg hefur að undanförnu verið að taka eitt skref óstudd. En í gær tók hún víst fjögur skref í leikskólanum og í morgun tók hún fjögur skref í viðurvist pabba síns. Ég hef ekki enn orðið vitni að þessu.

Núna er hún líka að reyna að setja hluti saman í stað þess að taka þá bara í sundur. Henni finnst rosalega gaman að taka allar bækurnar úr bókahillunni og reynir núna líka að setja þær aftur á sinn stað. Í morgun tókst henni að setja kubb með gati á stöng.

Leikskólinn átti 10 ára afmæli síðastliðinn mánudag og var haldið upp á það í gær. Við mættum auðvitað og hittum nokkra foreldra á bak við börnin sem við sjáum á hverjum degi.

Við náðum loksins Grétu Björgu standandi á mynd. Hún hefur getað staðið sjálf í nokkurn tíma en settist alltaf niður um leið og hún fattaði að hún hefði engan stuðning, núna einbeitir sér hún hins vegar að því að halda jafnvæginu.

Við erum komin aftur heim til Pittsburgh og allt að komast á fullt. Gréta Björg fór í leikskólann daginn eftir að við komum. Hún var bara sæl og ánægð að vera komin aftur í leikskólann og kvartaði ekkert þegar hún var sett á gólfið þar, fór beint í að leika sér og brosti svo allan daginn.

Gréta Björg getur orðið ýmislegt of lærði nokkur ný trix á ferðalaginu. Núna kann hún til dæmis að leika týnd-fundin og virðist sjá mörg tækifæri til að leika leikinn. Hún notar taubleiu og færir hana fyrir andlit og svo upp fyrir haus. Hún felur sig bak við húsgögn og kíkir þegar við spyrjum Hvar er Gréta Björg en ekki fyrr. Henni finnst líka rosalega skemmtilegt að fara í eltingaleik og spennist öll upp og skríkir.

Daginn áður en við fluttum byrjaði hún að labba áfram með litla bílnum sem Esme lánaði henni en fram að því kunni hún bara að labba á hlið meðfram húsgögnum. Núna getur hún vel staðið óstudd og sleppir sér ef hún þarf að komast á milli húsgagna til að komast leiðar sinnar. Hún kýs samt frekar að skríða en labba enda kemst hún svo hratt yfir þannig. Hún er dálítið órögg með sig og sest yfirleitt fljótt niður ef hún hefur ekki stuðning og stendur ekki sjálf nema hún gleymi sér eða þegar hún heldur að hún hafi stuðning. Til dæmis hélt hún í símasnúruna um daginn.

Og, Gréta Björg er líka búin að læra að drekka sjálf úr glasi. Hún kann sem sagt að drekka úr alvöru glasi en ekki pela og ekki stútkönnu.

Að lokum smá tilkynning en þá gleymdist hleðslutækið fyrir stóru myndavélina á Íslandi þannig að það koma væntalega ekki myndir alveg strax, ekki fyrr en við erum búin að smella nokkrum myndum með litlu vélinni.

Gréta Björg verður 9 mánaða á laugardaginn og við fórum til læknsins í dag í vigtun og mælingu og smá skoðun sluppum við sprauturnar í þetta skiptið. Daman dafnar alveg eins og hún á að gera og er orðin 70.5 sm á lengd, rétt tæp 8 kg (7967 g) og höfuðmálið er 45.5 cm. Við eigum að koma aftur þegar skvísan verður eins árs og þá fær hún tvær bólusetningar auk þess sem tekin verður blóðprufa til að mæla hemoglóbín- og blýmagn.

Flutningarnir gengur nokkuð vel og við skiluðum íbúðinni okkar auðvitað miklu hreinni en þegar við fengum hana. Það er enn allt í drasli hjá okkur á nýja staðnum en við erum búin að þrífa sæmilega. Ég ætla að reyna að taka smá skurk núna áður en ég sæki Grétu Björgu aftur í leikskólann.